Gabriela und Fabian: Hitze, Quellen und Kühe

Melodie W-Nuss vo Bümpliz:

Gaby u Fabian gö dür dTramuntana, wo ke Mönscheseu isch wiit u breit.

I dere brüetende Hitz!

Bir Quelle in Lluc hei mir zersch,

üsi Wasservorrät gfüllt.

Ds koschtbare Läbeselexir!

U dr Wäg schlänglet sech steil nach obe,

Dr höchscht Pass chunnt u ds Picknick naht.

Ds Panorama isch ä Wucht,

u äs chüuls Lüftli weit hie o!

Fliessends Wasser isch hie rar,

doch wenns git si dTier o da.

Während mir loufä sitzt wit obä ä Geier.

U wartet geduldig uf si nächscht Frass.

Tramuntana

uf dr balearische Insle

Mallorca, wie mes nid kennt.

U we mes erläbt, zmitzt ir Tramuntana, de schetzt mä die Stilli u wot gar nüm i Tourischtetrubu.

Mir schlafe im Refugi Tossals Verds

Boummarder schliche Duss ums Huus. Ä Nacht mit Schnachnasä u 30 Grad.

Am 6i 30g stöh mir vrschlafe uf.

Ab geits uf die nächschti Etappe.

Vrbi amne Stausee so blau, mit gefrässige Rinder wo ässe vom Boum.

När fougt e Abstieg läng wie nie.

Tramuntana

uf dr balearische Insle

Mallorca, wie mes nid kennt.

U we mes erläbt, zmitzt ir Tramuntana, de schetzt mä die Stilli u wot gar nüm i Tourischtetrubu.

(Extra Strophe)

Mir si vrbicho a Olivehaine,

wo si ahbout uf Steiterrasse

u hei trunkä anere Quellä.

Dr Wäg geit steil dür zOrangetal,

in Sollér nähme mr dStassebahn

Im nächschte Refugi acho

luege mr dr Sunneungergang

dr Tag isch vrbi mir löne la ga.